報名表連結 https://goo.gl/XwQth4實時報名記錄連結 https://goo.gl/uuAqUn球場
觀塘 2 號場 (無場紙)
球場人數
7人 - 歡迎嘉賓參賽
場地
硬地場
比賽日期
星期日, 10月 11, 2020
時間
8 – 10 AM
比賽雙方
精工 對 精工
球衣
藍衫/白衫
優先會員報名截止期
星期五, 10月 9, 2020 at 12:00:00 下午
非優先會員報名截止期
星期四, 10月 8, 2020 at 12:00:00 下午
額滿即止，上限名額
25
上場總結:
是日圖庫1 是日圖庫2 是日圖庫3
是日聲音版亮點
大家好，2020年10月11號Shoe兒嘅『今日亮點』終於再跟大家見面，❗️
人就係咁樣，喺度嗰陣就唔識得珍惜，唔喺度嗰陣就覺得好懷念，我所講嘅就梗係我哋嘅精神領袖~『方丈』❗️喺開賽前幾百分鐘左右，估計就係為咗柭仔將會帶相機到場為大家拍下精彩嘅賽事表演，方丈可能有感體型仍未達C朗級數所以不願上鏡，決心放棄出席，相信『方丈』佢係只想將最好嘅一面留番俾大家欣賞。就因為『方丈』嘅缺陣，使我哋好似喺茫茫大海上而沒有GPS嘅小船兒一樣，在海上亂衝亂撞，速度快到不得了，完全失去自我同節奏，就是相機快門也捕捉不到，無法拍攝出唯美嘅藝術效果，真失敗，嘥晒柭仔嘅心機😓❗️
可能就係缺少咗方丈，基C整場波都係碌碌無為，冇得碌之餘更大打飛機🤣❗️
美斯不愧係球星，任何角度都可以起腳射波，開波不到數分鐘便做一個凌空半車身抽射，精彩絕倫拍案叫絕👍🏻。
雖然今場冇咗德蛇嘅小x老x射球，但有個人老心不老嘅華哥，佢竟然係進攻左路離門約30多碼用佢嘅黃金左腳一腳就射死左有精工肛門之稱嘅Shoe兒，大家都讀過下書，所以就知道光係比聲音快，當時Shoe兒仗着比小鋒更加強大嘅身軀，雙手豎起，封住近柱，只見到一條柱光跟住聽到如雷炸響，彭的一聲，Shoe兒當時只係隻眼追得切但頭就拎唔切，莫講話身軀反應，當頭拎得切嗰陣，就只見到個波係近柱網內仍然旋轉着，真係見鬼啊😱❗️
由於今日冇咗『方丈』，而基C亦碌碌無為，焦點就落咗係浪漫Kim師傅身上，Kim師傅喺前線光芒四射，做出雙雙，進球10個打飛機亦都係10個或可能更多，Kim師傅做到一係入一係就飛機，完全冇射過隔離👍🏻👍🏻❗️
鹹石呢排上晒火，腳風甚順，場場有士哥，可能係佢老人家決定退出國家隊，只集中為精工(方丈)效犬馬之勞而令狀態一直提升有關👍🏻❗️😓輸活就冇囉❗️
鵬仔精神可嘉，雖然得返九隻手指，今場都仍然出席，也不畏美C，照樣按規矩手龍門👍🏻❗️
謝夫因為奶露臣門前頻頻失機，浪費晒佢所有美妙助攻，一怒之下未夠九點就走人🤣❗️
奶路臣就可能知恥近乎勇，突然加快速度，在下半段都把握返一兩個機會，算係咁啦😂❗️
楊岳橋係讀civil嘅，知道foundation嘅重要，所以現在個肚腩都有返咁上下...穩陣，但我估計佢今日見到浪漫Kim師傅嘅光芒四射，相信可能會即刻去幫襯「髮再生」，嗱嗱聲學浪漫Kim師傅咁留返劈羊咩鬚，呢啲就叫做有樣學樣🤣❗️
俊俊哥嘅鬥志已經慢慢進步，但奈何仍是體虛氣弱，要繼續加油呀💪🏻❗️
今日嘅航空交通可能比較頻繁，個個都想打一架落嚟，有啲好似湯馬士咁想打幾架添😂❗️
早兩個禮拜都已經聽到啲行家CCTVB喺度講，小乳海豚式飛身頭槌破網嘅經典場面，今日Shoe兒更親身目睹小乳嘅海豚反身頭槌破網嘅精彩一刻👏🏻👏🏻👏🏻❗️
有啲嘢原來慢慢就慣，就好似中場開波咁，一路都只有白精開波，突然要藍精開波，真係好唔慣😰，點知開下一球開下又一球，😂開開下又真係慣咗❗️
最近的賽事重開之後，見到洪哥，白頭仔，偉哥同威哥都踴躍出席，見到佢哋真係踢得好開心，搞到我都好開心👏🏻👏🏻👏🏻❗️
呢個星期日係有啲感想嘅，首先真係要多謝皇者賽會話事人Jay哥，我係早一晚係為咗一陣會提及到嘅另一原因，只係係咁以同Jay哥講吓話想買個Star，但因為當晚Jay哥事忙唔係屋企因而事與願違。😱點知佢星期日嘅早上9:00在面未洗牙未擦，一💩完就踢住對拖鞋帶住個泵到靚靚嘅Star泥球場俾我哋大家享樂，Shoe兒深感慚愧，10分多謝呢位老友，冇得頂👍🏻❗️
頭先喺上面提及到嘅，就係想講吓呢場可能係光兄係2020年可為『方丈』效犬馬之勞嘅最後一場週日賽事，我相信光兄係睇完我呢篇文章之後就已經要執好行李準備明早要北上工作好一段時間😭，I miss U🥰❗️但大家亦都唔使同光兄太擔心，佢話今次嘅北上佢可以趁機俾個殘軀休養生息，泥一個優休休🤣❗️係不久嘅將來就好似『方丈』咁以最強嘅一面再同大家踢個夠👍🏻❗️
由於時間嘅關係，今次呢個亮點暫時講到呢度，都係一樣希望大家可以俾個like，subscribe，同埋去康寧到㩒埋個鈡仔，大家仲可以去我個『Play床』支持下我嘅，5蚊10蚊夠食個小玉早餐就足夠，😅多謝大家👏🏻👏🏻👏🏻❗️
