報名表連結 https://goo.gl/dKnYAT
實時報名記錄連結 https://goo.gl/3E96d3
球場 觀塘 無場紙
球場人數 7人 - 歡迎嘉賓參賽
場地 硬地場
比賽日期 星期日, 3月 28, 2021
時間 8 – 10 AM
比賽雙方 精工 對 精工
球衣 藍衫/白衫
優先會員報名截止期 星期五, 3月 26, 2021 at 12:00:00 下午
非優先會員報名截止期 星期四, 3月 25, 2021 at 12:00:00 下午
額滿即止,上限名額 25
上場總結:
29 勤哥 優先會員- 未履行優先會員報名責任扣2分
73 俊仔 優先會員 (學生會籍) U 25- 優先會員於截止報名期後報名扣1分
45 活哥 優先會員- 優先會員於截止報名期後報名扣1分
36 偉哥 優先會員- 優先會員於截止報名期後報名扣1分
98 熹仔 優先會員 (學生會籍) U 25- 優先會員於截止報名期後報名扣1分
Sho E 今日亮點:
大家係咪等得好心急呢❓ 由於Sho E 廢人事忙,對數以百萬計嘅方丈追隨者造成失望,Sho E 將盡最大努力來如實吹大方丈今日嘅雄風演出來回饋每位親愛嘅毒者。
今日係辛丑年辛卯月乙亥日,吉時早上八至十,天氣時寒時暖,時光時暗。事不延遲,今日邊個冇瞓(德蛇),邊個遲到(Sho E),邊個飛機(🤔)都唔需要講,因為驚期一開始就泥咗,白色精嘅宵朗拿度,下稱宵柒,係進攻右路擺動纖腰,以高速係原地連撚兩關,再九斬送出1個致命八字波直接就擺咗係伏兵遠柱嘅頭鎚王腳下輕鬆打開記錄,鋼門阿奶慾夠無虫。乳畢無耐,高潮又起,白精又再圍攻藍色精,在藍精禁區內造成險象横生,風聲鶴唳,1個角球機會,白精密密威殺入禁區,在離門廿幾碼以鶴立雞群之態,接應唔記得邊個白精強人開出妙到毫癲嘅角球,銅頭一頂直飛網角,好1個方丈在千鈞一髮之際伸出神之左手飛盡撲出楣頂,在大家還在驚嘆之時,方丈竟已立即發動攻勢,以神之右手將球送到前埸禁區頂等咗成粒幾鐘嘅阿奶造成單刀並為藍色精取得珍貴嘅1球,但科興拔雞聲一響,指示負責B A R嘅小乳小心檢查個B A R泥確定一下呢個神漬,小乳在百九幾次張個B A R翻來覆去之後,以很很定嘅裁決推翻咗呢個入球,個B A R在1000000倍超慢鏡重播下,發現係呢個入球前既半個時晨,當密密威個頭鎚直飛網角,眼看必入之際,突然天色暗黑,電破橫胸,萬千烏鴉從藍精龍門一湧而出,直撲白精方向,與此同時就只見方丈神之手一伸,將已越過左白界百分之九九嘅皮球托出咗底缐,果然方丈秉馳住『處事冇底線,著衫唔著褲』嘅愚家思想,立即執起皮球,唔怕醜咁發動快速反擊,好在有B A R技術幫助,令白精係已經好低嘅失球數字不至多失1球,Thanks God❗️
又過冇耐,白精密密威又再係進攻右路密密送咗個靚波比身處在已有8位藍精球員填滿的小禁區內嘅宵柒,佢以靈巧及幼細嘅.....腳法在藍精群中舞龍咁舞,撥圓起勁,運起降龍伏虎氣使出一招神龍擺尾,在藍精個傷口上再插多一刀。但不到1分鐘,藍精老表華哥係中場延續方丈係半個骨前所發動嘅攻勢,運用個人純熟高超技巧,先推過1個白精再引球至右中場,跟住大家要留意了,當時華哥膊頭未郁,左神腿就交出急勁帶西嘅地波,皮球穿越咗幾十連袋最終交到站在空門前隻奶腳下,輕鬆勃起皮球送入,為藍精取得寶貴嘅1分,華哥呢腳細快狠毒精,動作細,出腳快,個樣狠,陰夾毒,好精準,場內球員目定口呆,場內觀眾站立鼓掌分幾兩分鐘。
但華哥呢一腳並未能夠將已呈之敗局扭轉,因為藍精浪慢金師傅化身粉紅頭尤利尤利太短...時間,可能還未慣,腳法堅係細緻咗,但就未射得番出泥。而拔仔又受到科興反應,郁啲就射咗,無法讓同伴一起造成高潮反應,可以係細佬等藍精嘅面上表情已可知一二了,哈哈。當然,就算藍精點樣奮力作戰,白精1個楊岳橋就攪掂,呢條友仔一直以來蠱蠱惑惑偷番薯,係各位大佬身上偷學到各種絕技,如方丈嘅愚家,基C嘅戲家等等,依家開始用嚟對付返我哋,尊卑不分,當然藍精過到楊岳橋,都過唔到之後嘅千千萬萬白精隊友。講返白精嘅中場強手如雲,其中白精1個攻勢,在一班中場好波之人策動,最後已唔肯定係謝狀,小乳,密密威,定係黃金周係中埸中路作出凸然嘅遠射,以右腳面拉個內彎波,皮球直飛龍門左下角,又係見看必入之際,神之手又再出現,把球拍出底缐,因今次天色冇變,所以看得清澈,今次不是方丈顯靈,竟然係球王美C飛身用右手撲出,若企得遠睇,真係以為又係方丈,實在太神了,美C挽救咗藍精,未至失球數字達到三位數。係法定完場時間後廿多分鐘,方丈再顯神通,係後場搶去守門員胸前的皮球,發動最後1激嘅攻勢,方丈以高速盤球推進,運用左抽右插嘅秀麗腳法,先後騙倒數以十計嘅白精球員,大約半個鐘頭左右,終於推進至離門廿多碼後,係重重白精球員包圍下,出了神之右腳,原來係使出更高層次嘅『完善』剃刀射球,方丈擁大智慧,並沒扭曲基本心法嘅核心,只係心法嘅附頁最後果兩頁做咗DD微調,擴大咗少少腳內檔接觸面,跟皮球嘅西擦嚴緊咗DD,不再使用全部已出現紋損的舊皮球,令基本射法力度更完善❗️噢,Sor,解說方丈呢球嘅論述大長了,反正你地識條鐵咩,再講你地都學唔到,都唔會明,都係講返....當皮球離開方丈右神腿內側後,如彎形剃刀般,急速旋轉,疾如風,去愚人,彎過所有路人直入右邊柱角,白精鋼門爆頭小鵬直情入左都唔知,超技巧,超好球,呢腳係真堅野,並不是基C之流嘅玩野,全場掌聲呼聲雷動,Sho E覺得要比華哥金球嘅掌聲還大左少少,Sho E更感動豎立致敬,伴隨住激凸嘅掌聲頌起大悲咒柒柒四十九幾遍。由於可容太豐富,本來還有其他隊友嘅精彩亮點需要向大家引述,包括Sho E接應唔記得咗係邊位白精中場強人嘅美妙傳送而作出凌空轉身抽射嘅精彩演出,今次講到呢度先,若果大家有啲乜嘢疑問可以直接電郵到我以下嗰個電郵地址,我會盡最大努力佢回覆大家,最後大家如果鍾意我今日呢個亮點,請大家俾個like,subscribes 同埋share,最緊要跟德跎㩒埋個鐘仔,咁方丈一有任何新消息我就會通知大家,多謝❗️