報名表連結 https://goo.gl/2ChgL4
實時報名記錄連結 https://goo.gl/9XGatw
球場 觀塘 1 號場
球場人數 7人 - 歡迎嘉賓參賽
場地 硬地場
比賽日期 星期日, 10月 17, 2021
時間 8 – 10 AM
比賽雙方 精工 對 精工
球衣 藍衫/白衫
截止報名期 星期五, 10月 15, 2021 at 12:00:00 下午
額滿即止，上限名額 25
賽後總結: 78 Roy- 甩底，無報名,未確認或額滿後參賽扣3分
石仔Seiko: 今日亮點（21年10月17日）
今日開波發生奇蹟，就係早上8點零既波居然要方丈佢老人家「收場」！好彩方丈江湖地位夠高，一行出嚟已成功收到場。仲有，居然未到8點就見到活哥係場，攪到石仔都要抹下眼鏡，睇下有無眼花。
一開波，藍精就似無熱過身咁，個個動作都超緊，白精攻勢水銀瀉地，一浪接一浪，藍精氣都無得抖咁濟，白精Ray同明哥更攻得入肉，打出個2比0攻勢。
藍精好似發完夢咁，首先由全哥爆發，係邊線一個貌似追唔到既波，全哥爆發下力追之餘仲爆過埋白精再上前入埋波！藍精士氣大震，唐哥同華哥串連Angus，鵬仔同德哥及雲信亦多次後路殺上去，藍精開始控制戰局。
之後全日第二件不可思義既事發生了，俊俊居然八點半左右就到球場🥶。白精加入亞奶同金師父後，攻勢更立體，多番威脅藍精後防，其中明哥同Ray連攜度100分，兩個一傳一撞一射就好有威脅。
藍精攻勢，右路底線傳中，係門前接應既係偉大既方丈，可能方丈對住空門見到難度太低，無乜挑戰性，佢老人家決定增加難度，先係門前用右腳來一記虎尾腳，再將皮球撞番落左腳後再彈落右腳入，點知本來呢件完美既事，最後出嚟既效果變左藍精方丈幫白精護空門🥶。
白精熹仔可能見到方丈留言要對付佢，所以今場佢改變目標，改為欺負佢兄弟俊俊，一記阿朗式雙腳180度摩打式假身，成功呃過俊俊。但就因為太假既關係，佢連自己都呃埋😬
白精乳仔今場多番上演用頭多過用腳，不論係組織，射門（入波）定解圍都好堅持用頭，可能係因為今晚熱刺上場會令佢頭痛，佢決定今朝用晒個頭先等今晚無咁痛。
藍精唐哥自從Kan哥遠走他鄉後，思念佢場上表現之心日盛，今場決定使出Kan哥絕技「老笠」，眼見皮球以完美曲線加上衝力射球式既速度入網之際，可惜學得功夫未到家，皮球最後多出3.7cm出界唔入，睇嚟唐哥要再加油。
藍精德哥亦因為尋晚車仔文迪神救感染，覺得要出番真功夫，藍精右路傳中，德哥以雷霆萬鈞之勢準備飛鏟皮球入網。但德哥眼見同皮球相隔半碼，如果要飛鏟入波，就要犧牲一對蛋撞柱先入到，係經過長達0.56732秒既考慮後，德哥決定保住自己對蛋要唔入波。
戰至未段，藍精射入燕梳球反超8比6，金師傅最後爆發，禁區頂先用受傷右腳射出一記割草式超低空射門，但唔知被撞到明哥定石仔擋出，皮球又落番金師父腳下，今次到左腳使出猛虎射球，藍精只見一道光射埋嚟，個皮球已經掛網入左，8比7，藍精險勝一分，快樂足球結束，各精友下星期再見！
語音版亮點
活哥StewardSeiko: 我叫你嚟食早餐又唔嚟🤔
石仔Seiko: 你去book下個月the icon晚餐
Raymond (Tong) Chau: 預埋我兩公婆
活哥StewardSeiko: 食過Dinner Buffet 👍🏻👍🏻
LauWai Yin 偉 Seiko: 精彩😁👍
Kan Seiko Prio Ho: 🤣👏🏻👏🏻👏🏻
Albert Seiko Au: 當呢把聲讀到我個名個陣，我有D毛管動既感覺😱👍
Albert Seiko Au: 🤣
Kan Seiko Prio Ho: 因為好有感情
Ray Sit Seiko: 不過幾個星期前的＜今日亮點＞仲未見到🤣🤣
Seiko Butt: 今日兩隊分數好接近
Seiko Butt: 睇相藍衫好似佔優D, 但波係圓嘅, 我估今日白衫係勝方🤔
Seiko Butt: 睇到亞Kim D笑容, 佢應該係今場神射手🤔
德哥SeikoTak: 今日亞kim左右腳開弓，左腳射球世界波
Eddie soccer Seiko Kim: 幸運
Seiko Butt: 我睇馬禁準就好啦😁
