報名表連結 https://goo.gl/dKnYAT
實時報名記錄連結 https://goo.gl/3E96d3
球場 聯合道
球場人數 7人 - 歡迎嘉賓參賽
場地 硬地場
比賽日期 星期日, 5月 22, 2022 at 8:00:00 上午
時間 8 – 10 AM
比賽雙方 精工 對 精工
球衣 藍衫/白衫
優先會員報名截止期 星期五, 5月 20, 2022 at 12:00:00 下午
截止報名 星期六, 5月 21, 2022 at 8:00:00 下午
額滿即止,上限名額 25
賽後總結:
5月22日賽後評
是日為精工於石地正式復賽第一天,奇蹟地8點15就齊人,連活神都因為跟光爺車得以準時。
賽前睇牌面雙方勢均力敵,藍精擁有華哥同全哥,再加埋光爺壓陣,後防有鵬仔同熹仔,加埋亞佬同埋金師父在陣。
白精就擁有2R進攻,加上白頭KC同亞奶,長人SAM哥,最緊要既係有方丈壓場。
開波大家都久疏戰場,失誤頻頻。無耐就出場事,SAM哥同天才金師父一次碰撞後受傷,需退下球場,由金師父陪同往醫院接受治療,所幸無咩事。
藍白精分別由RAY同洪哥入替,一次藍精攻勢,洪哥禁區唔射二傳比隊友撞入,為入波打開序幕。
白精就由ROY係前場食住半個身位再抽射,活佛只能目送皮球入網。
及後雙方正式交鋒大手交易,藍精門前多次失機,計有湯馬士半空門斜射打左9樓上面隻飛機落黎,再有洪哥接應妙傳空門一頂變左解圍,印象中熹仔亦有門前失機但藍精勝在有華哥,由中場打到落中堅,一華當關,萬夫莫敵。中場SET波過人,長傳解圍,加埋黃金左腳頻頻施射,做足100分全哥亦由中堅打到上前鋒,多番係白精門前發難,HOLD波推波射波樣樣有,當然有埋士哥啦。
白精靠2R進攻,打到藍精後防立立亂,美斯既窩利,ROY既柱躉式二傳,加埋後上插應既白頭同亞奶,全靠藍精打龍既活佛同光爺上身先力保不多失。
今日偉大既方丈見白精進攻人才夠晒,所以專注防守。先有打龍個陣二傳比藍精射入,再有活佛神級演出,連扭兩次白頭仔,入禁區,準備起腳個陣,
方丈應該擔心活佛扭得太多驚佢跌出,所以係後面「扶一扶」佢。係洪哥使出「假.鬼影假身」之後施射,方丈再次擔心佢出事,所以都出手拉住洪哥,費事佢受傷。
白精亞ROY打龍時,多次叫兩閘「拉開D拉闊D」踢,但可惜佢既長傳未見到位,白頭表示不滿,KC更索性跑都唔跑。最準下球長傳落係亞奶腳下變單刀,唯佢係禁區推多一步再射已被光爺成功捉路,無功而還。
聯合道呢個場唔太利藍白精,所以方丈表示會為大家祈福。
最後,祝亞清一帆風順。