SEIKO 精工每個人都係老、傷、病、弱、殘。咁先夠一隊功夫足球。無錯，精工要成為功夫足球王國，一齊HAPPY，唔理老X唔LIKEE!
安記杯又啦！ 贏過中秋有鮑魚食，想食就快手報名！ 歡迎攜眷出席，報名嘉賓有禮品！ 賽後，在紀律步隊中菜部自費Bunch! 好消息！ 輝哥為隆重其第三屆大安記，現增設三大獎項，分別是神射手，最佳防守球員及最佳表演球員。又最佳球員會按年齡，波底，體育精神，精神面貌，服裝，禮儀等作標準，總知唔係好波就得，要有超個人水平為準！ 評審委員有五位，分別係亞郭，輝哥，馬田，亞Kan同亞宵。照舊一切都係黑箱操業，獨裁決定，球員不得異議！ 為增加競爭性，亞Kan同亞宵會在當日分別為藍精同白精挑選球員，分成兩隊實力想當作賽！ 請各精工隊友帶備藍白兩件球衣制服，以便雄瘋攣球員能穿上精工球衣作賽！ 如有任何建議，請馬上提出！ Martin 有人係領先兩球時豪言一句，要贏白精工五比二，咁就好似‘大石跌落公廁’一樣，激起 ‘公奮’，一場大反底，豆靈變大牛就開始，結果梗係藍精工事與願違，我地白精工就心想事成反勝五比二！ 我本來打算贏最佳表演球員，點知飲成晚紅牛，第一節爆白頭兩野就無貨賣。隻私家左腳仲生埋鏽，第三節傷出，而家仲要一步一拐。抵死！ 及後，KC係右路比人睇死要用右腳出波，點鬼知佢最後用隻私家左腳，射‘最’遠柱左上死角破網，唔洗問呢腳以後都唔多會再出現，係今年日食先至表演一次咁多，答謝球迷多年球迷支持？抵佢力壓亞Kan飛頂挑戰自隊個門神Patrick, KC贏最佳表演球員獎，係實至名歸！ 再講，而家科學昌明，KC球‘日食之球’過兩日我地個 Seiko就有得睇，萬勿錯過！ 另亞Kan你再玩，我出年就加多個最‘X佳’表演球員獎，比D古惑球員角逐！ 講明贏先有鮑魚食，點知又出人意表，點知輝哥識做，人人有份，真係佳大歡喜！最重要係在兩位律師在現場見証下，輝哥一口答應，獨家贊助到第三十屆！如果到時我地落唔到場，就代父從軍，搵D仔女上陣或轉去網上打過！ 最後，我次次我做總結，馮光就一定第一個覆，都唔知佢洗唔洗做，另實有人好似亞Kan之流，係道指三道四，又駁咀，又話我打錯字！ 你地點串都無我咁串！你吹咩，而家係得我，亞達同亞山連贏三屆，等我出年出古惑搞掂佢地兩個，另又贏多屆。到時我就一定威過中四重彩，唯我獨尊，獨步江，一定可以不可一世，在光輝背後又感覺一下另類‘無敵寂寞’！最後當然要贏埋個最‘X佳’表演球員獎，睇亞Kan到時又有玩乜鬼！ 打完風要開工，你地有後話就覆！ Martin 果然係黑箱作業, 我踢成敢 ( 睇D賞都無MUG上镜就知 ) 都比果最佳防守獎我 :) 最好彩亞Kan拉著我踢白精個邊, D領隊係晒到, 攞票都易D. 先多謝大會D搞手: 馬丁, KAN哥, 蕭律師... 等等, 另當然要多謝輝哥, D鮑魚好正, 遲下打算同你入兩個櫃, 記得比個友情價喎... 總有要多謝"華哥" 係第二節完後的敎路, 才可將賽果改寫.. 總有我對波 BOOT 啦, 達仔無左佢, 想攞獎要問過可能係出年. 賽後還有SAM哥帶來之靚紅酒 + 回味基斯既世界波! 真係正! 相信基斯星期日個晚都訓唔著?? 擒晚打大風, 無野做, 睇返亞BUTT影D賞又幾個忍.... 好同意馬丁既話, 輝哥獨家贊助到第三十屆, 到時我地落唔到場，就搵D仔女上陣或轉去網上再打過 偉 Dear Seikors, Claudia and I enjoyed the tournament so much. She said she was very surprised to have the "Pau Yu Min" as souvenir because she ONLY aimed at coming to support her fiance atthe very beginning, so thx for Fai Gou's contribution. Thx to Martin as well, your great effort in organizing the game for us! KC's goal so impressive that I can't stop thinking and thinking again till now. Last, we enjoyed the lunch gathering where we were so glad to have wishes from all of you on our engagement! Next year, we will come as a couple in definite! Kelvin 有人係領先兩球時豪言一句，要贏白精工五比二，咁就好似‘大石跌落公廁’一樣，激起 ‘公奮’，一場大反底，豆靈變大牛就開始，結果梗係藍精工事與願違，我地白 精工就心想事成反勝五比二！ -----------------邊個咁大膽話要贏白精工，佢以後都唔駛係幾隊波到出現，幾大領隊凝聚力邊到有得輸，果個人都係講下姐。 我本來打算贏最佳表演球員，點知飲成晚紅牛，第一節爆白頭兩野就無貨賣。隻私家左腳仲生埋鏽，第三節傷出，而家仲要一步一拐。抵死！ ----------其實白頭仔真係做到野，有咩可能你爆到佢，佢因為有壓力，擔心日後出場機會，所以就........。及後，KC係右路比人睇死要用右腳出波，點鬼知佢最後用隻私家左腳，射‘最’遠柱左上死角破網，唔洗問呢腳以後都唔多會再出現，係今年日食先至表演一次咁多，答謝 球迷多年球迷支持？抵佢力壓亞Kan飛頂挑戰自隊個門神Patrick, KC贏最佳表演球員獎，係實至名歸！ ------------------基斯都好辛苦，成年都揸流攤，到埋牙先出招，等對手防不勝防，問你地死未。阿KAN果下飛頂真係利害，我係佢後面睇得好清楚同好精彩，好彩PATRICK無瞓覺。 再講，而家科學昌明，KC個球‘日食之球’過兩日我地個 Seiko就有得睇，萬勿錯過！ --------- 基斯個球真係靚到絕，唔知係唔係撞彩？"~" 另亞Kan你再玩，我出年就加多個最‘X佳’表演球員獎，比D古惑球員角逐！ 阿KAN責任係贏波就要放完手腳，唔好拋離太遠。 講明贏波先有鮑魚食，點知又出人意表，點知輝哥識做，人人有份，真係佳(皆)大歡喜！ --------多謝輝哥年年贊助！年年生意就會大旺！D鮑魚真係好好味，食到大家呻晒脷，下季希望仲和味，使大家次次都回味。 最重要係在兩位律師在現場見証下，輝哥一口答應，獨家贊助到第三十屆！如果到時我地落唔到場，就代父從軍，搵D仔女上陣或轉去網上打過！ -----------到時雙戰頭，就係阿堂仔(文浩)搭光仔(Anthony)、洪仔(傑仔)、中場輝仔(輝麟兄弟)、勤仔、Albert仔、後防偉仔、Waly仔(兩兄弟)，唔夠數踢唔到大場，爭幾件，其他靚女女去幫幫手搵D仔。唔該。 最後，我次次我做總結，馮光就一定第一個覆，都唔知佢洗唔洗做，另實有人好似亞 Kan之流，係道指三道四，又駁咀，又話我打錯字！ ---------你呢招使得，已經有人早過我覆你，原來果個偉哥重得閒，今早8號風球，都未有時間覆你，因為我要開工。其他重瞓緊覺。 你地點串都無我咁串！你吹咩，而家係得我，亞達同亞山連贏三屆，等我出年出古惑搞掂佢地兩個，另又贏多屆。到時我就一定威過中四重彩，唯我獨尊，獨步江，一定可以不可一世，在光輝背後又感覺一下另類‘無敵寂寞’！最後當然要贏埋個最‘X佳’表演球員獎，睇亞Kan到時又有玩乜鬼！-------------下次我同阿KAN一齊做低你先，咁就可以追到一齊三屆。除非你又黑箱作業，搵隊低幾班，又或者由你編排兩隊球員。咁先會有機會。 打完風要開工，你地有後話就覆！ -----------你就好啦，我係大陸10號風球都要開工。 老正光既回應, 簡直做到一針見血. 冇錯, 您地想贏邊隊都得, 就係比您地都唔敢贏擁有"輝哥 - 最佳贊助單位, 最好味既鮑魚", "馬丁 - 黑箱作業既領隊", 及 "老正光 - 峰聯既永遠領隊" 既白精. 哈哈! 據" 白頭仔" 係賽後接受訪問時表示, 當時"馬丁"真係好快, 佢出盡九牛二虎之力, 都冇辦法阻擋"馬丁"既衝擊. 原來"馬丁"有隻"雄牛"幫手, "白頭仔"如果用果九隻牛係牛女, 咁果結果應該唔一樣. 基斯就做晒野, 係平時就超級"吞pop", 所有係星期日出番dd力, 就能表現出非常突出既表現, 因而成功壓過我既"最佳攻門", 取得"最佳表演"獎. 我就唔會左個"最佳表演"係" 演戲"果個"演", 所以咪用"插地式既至命烏龍頭鎚"泥?分囉, 點知唔會左. 哈哈! 如果唔係 "Patrick"既超勁防守, 及激勵士氣, 白精早已大敗了. 基斯果個"日蝕之球", 真係超勁, 直情係完美. 又抵佢?獎既. 但如果當時守門既係"Patrick", 真係唔知個畫面會變成點. 我再代表全體隊友, 多謝"輝哥"既贊助, 令我們大家玩得開心, 食得過癮. 希望"安記"生意更加"蒸蒸日上"! 也同時更需多謝"華哥". 他為我們提供場地, 更為"白精"作臨場既指輝, 才使"白精"能反敗為勝, 係最重要既"領隊及隊友"! 謝謝! 係第五界既賽事(唔會用第四界), 就係 Kelvin 哥都已經會帶同"精工"既新力軍出席, 而老正光也因為"精工"既接班人按排, 係明年也會一樣多帶來"接班人"出席. 唔知"謝夫及Kim哥", 又會唔會帶埋"新力軍"出席呢. 哈哈! "達哥"就梗會添啦! 下界一樣會係"黑箱作業", 為求取得最多冠軍為目的. 最佳防守果個隊友, 我會向佢老闆通知, 原來佢咁得閒架喇. 等佢以後都冇可能快過我或老正光既回覆. 最後, 係要多謝"Butt"哥既現場拍照, 使我們這個比賽更是完美. 更要多謝所有出席既隊友及嘉賓, 支持"安記杯"既進行. 希望下一界攪得更加精彩! Kan
