-->
球場 | 未定 |
球場人數 | 11人 - 歡迎參賽 |
場地 | 仿真草 |
日期 | 星期二, 5月 30, 2017 |
時間 | 8 – 11AM |
比賽雙方 | 精工對精工 端午盃 |
球衣 | 精工藍白 |
優先報名截止期 | 星期五, 5月 5, 2017 at 12:00:00 上午 |
截止報名 | 上限18名,額滿即止 |
上場總結: | |
________________________ |
端午大埔大對決印正兄弟同心:
話說全哥兩兄弟兵分兩路揀卒分隊,全兄要老餅藍,永勝揀嫩口白。
綜觀老餅藍踢法機動,行軍如流水行雲,嫩口白就以個人突破為主。
一開波嫩口白未企穩就先讓一粒。企穩就以為有好世界,說時遲那時快,襟兄勤後腳靈犀一指交禁區內十二碼點襟弟明,當時心諗一如以往佢一控實彈高,到時邊個行開過去咪解圍了事。今次襟弟明已睇穿全局,球不著地腳背一彈,一腳天外飛仙,如雷電般越過龍門,直入網仔。呢腳襟兄弟波,無十年八年日日茶煙飯一齊偷跳,絕不能做到。相信事前絕無練過,就係平日在在兩位太太前,偷跳時夾故脫險得多,心靈早已相通先會做到。
每35分鐘一節,一直老餅藍領先一粒,嫩口白並無放棄。
賽果到第三節三比二時,已一時凍結,互交白卷。到第四節大家同意,如最後十五分鐘時如打和就互射十二碼,一時大家再提起精神應戰。
老餅藍烏「啄啄」又入一球。比數拉開至四比二,看來嫩口白已返魂無術之際,有隻單蹄球員成場無乜踢過波,成場都蓄意同個波保持距離,落場扮踢波。
今次唔知邊個唔生姓交個到腳波俾單蹄田,想扮攞唔到都唔得之際,眼見宇仔一班後生仔已潛入禁區侍機起義。
今次唔知邊個唔生姓交個到腳波俾單蹄田,想扮攞唔到都唔得之際,眼見宇仔一班後生仔已潛入禁區侍機起義。
單蹄田想跑又腳痛,想交又附近無人,就隨便一腳斬入禁區,個波在前排第一個後衛盲眼位吊入。宇仔當時好似企唔穩,個頭剛好頂正個波,皮球第一時間靚絕入網。佢就話頂入,但從無見過佢有此功架,看來都係個波頂佢個頭就真。
待續…
上回講到宇仔個被動式頭鎚入網後,嫩口白得勢不饒人,再下一成,一下子打成和局,四比四。老餅藍見狀不悅,山齊士堂同山齊士Eric全力反擊,太子峰亦想帶頭發難。誰知暗角裡單蹄田已一哨在口,祇要老餅藍有所認真威脅攻勢,誓必馬上黑哨完場,其他隔靴搔癢攻勢咪由得班氣喘如牛老嫩球員吵吵鬧鬧等過場便算。
時間一到果然要互射十二碼分勝負。而暗器黑哨收起待用。
就 一句唔識射就唔係男人,大家立時交換過眼色。默許下就兩隊輪射分雌雄。除睇場個哥哥仔未得落場互射證明自己屬男屬女外,所有球員包括兩位未成年早熟小朋友都自動排好十人一隊,兩隊互射。可能刺激過度又或者要在眾人面前勁射,與平日行為有異,經兩輪共廿次起腳,就祇得八球進賬,四比四埋單,即合共八比八完場,握手言和。賽畢已約定藍白二隊擇日重賽,再分勝負!
時間一到果然要互射十二碼分勝負。而暗器黑哨收起待用。
就 一句唔識射就唔係男人,大家立時交換過眼色。默許下就兩隊輪射分雌雄。除睇場個哥哥仔未得落場互射證明自己屬男屬女外,所有球員包括兩位未成年早熟小朋友都自動排好十人一隊,兩隊互射。可能刺激過度又或者要在眾人面前勁射,與平日行為有異,經兩輪共廿次起腳,就祇得八球進賬,四比四埋單,即合共八比八完場,握手言和。賽畢已約定藍白二隊擇日重賽,再分勝負!
沒有留言:
發佈留言